Uhulumende usethule umthetho ozalawula osamabhizimusi abala ukwamukela imali yeZimbabwe lamabhanga aphathisa uzulu ukuthola imali yakwamanye amazwe etholwa emkambo wemali.
Lumthetho, iStatutory Instrument 127, wethulwe kugwalondaba luka hulumende, iGovernment Gazette.
Phansi kwalumthetho osamabhizimusi abazathengisa ngemali yakwamanye amazwe kumbe ukuthengisa ngesilinganiso sesisindo semali yakwamanye amazwe esiphezulu kulaleso esiyabe sikhona bazahlawulisa imali engamadola eZimbabwe azinkulungwane ezingamatshumi amahlanu, $50 000 kumbe ukuvalelwa ejele nxa engahlawulanga limali ngesikhathi.
Lumthetho uzajezisa abathola imali yakwmanye amazwe basebeyisebenzisa ngendlela ezingayisizo abayabe bezikhulumile lapho bedinga limali.
Amabhanga lawo azajeziswa imali efika izigidi ezinhlanu, $5 million nxa engaphathisa uzulu ukuthola imali yakwamanye amazwe ngezizatho ezingasoqiniso.
Ukuhlaziya lumthetho uChris Gande weStudio Seven uxoxe lengcwethi ecubungula ezombusazwe, uMnu. Masimba Kuchera.
Your browser doesn’t support HTML5
Ingxoxo loMnu. Masimba Kuchera