Ibandla leMDC Alliance selisole ukuxotshwa kwamanye njalo amalunga alo edale lephalamende kulandelwa isiqondiso esivela kubandla lePeople’s Democratic Party ayekulo engakamanyani lalelobandla.
Iziphathamandla zalelibandla ezixotshiweyo zibalisa oMnu. Tendai Biti, William Madzimure, Regai Tsunga, Settlement Chikwinya, Kucaca Phulu, loNkosikazi Sichelesile Mahlangu.
Usomlomo wedale lephalamende uMnu. Jacob Mudenda wazise lelidale izolo ukuthi uMnu. Benjamin Rukanda webandla lePDP nguye owazise ukuthi bexotshwe.
Isikhulumeli sebandla lePDP uMnu. Nqobizitha Khumalo utshele iStudio 7 ukuthi ibandla lakhe lisebenzise isisekelo sombuso webandla ukuxotsha amalunga la ngoba ayevele esezisukele.
USithandekile Mhlanga weStudio 7 uxoxa loMnu. Phulu, omela iNkulumane edale lephalamende njalo eligqwetha ukuze sizwe umbono wakhe ngaloludaba.
Your browser doesn’t support HTML5
Ingxoxo loMnu. Kucaca Phulu