Amazwe asemise ukusetshenziswa kwejekiseni yecovid 19 elungiswa yinkampani ye AstraZeneca ngaba lumjovo ubikwa unqumisa igazi labanye.
Amazwe asemise ukusetshenziswa kwaleyi jekiseni agoqela ele Germany, Italy, France, Spain lamanye. Kodwa inkampani le ithi okwenzakalayo akulani lejekiseni le ngoba phakathi kwenkulungwane zabantu esezihlatshiwe kulabangamatshumi amane kuphela ababe lodubo lokunqoma igazi.
Umanyano wamazwe omhlaba, owe World Health Organization uthi usacwayisisa ngejekiseni le andubana uthathe amanyathelo.
Kodwa kwelemelika kulemajekiseni amathathu asetshenziswa athe ele Pfizer, Mordena lele Johnson and Johnson.
Sixoxe lesizalwane seZimbabwe esihlala ngapha kweleMelika, uMnu. Gary Thwala Jackson ukuze sizwe umumo wegcikwane lecoronavirus eTexas lapho ahlala khona.