Inkosi yamaZulu, Isilo uGoodwills Zwelithini kaBhekuzulu, sesikhotheme. UZweilithini, obeleminyaka yokuzalwa engamatshumi asyisikhombisa lambili, 72, ubeselesikhathi elwisana lomkhuhlane wetshukela.
UZwelithini ubeyinkosi okweminyaka edlula amatshumi amahlanu, 57 kulandela ukukhothama kukayise, uCyprian Bhekuzulu kaSolomon.
Uzwelithini wazakala ngokuvuselela amasiko amanengi afana loMhlanga lokuxazulula inkinga zelizwe ngembizo.
Ngomnyaka ka 2015 kwaphuma imbiko ethi uZwelithini wathi abokuza kumele basuke kwele South Africa, okwabangela ukuqhamuka kodlakela olwabulalisa abantu abayisithupha. Kodwa uZwelithini wathi intathelizindaba zagonqomisa umbiko wakhe kwazwakala ingani utsho njalo yena kungayisikho ayikukhulumile.
Wayesazakala ngokusola ukuphathwa kwaMandebele eZimbabwe lodaba lwe Gukurahundi.
UZwelithini utshiye amakhosikazi ayisithupha labantwana angamatshumi amabili lasithoba minwe mibili, 28. Imininingwane yemfa yakhe lokufihlwa kwakhe akukaziswa.
Sixoxe lomkhokheli wenhlanganiso yezizalwane zeZimbabwe ezihlala kwele South Africa, uMnu. Nqabutho Mabhena owake wahalala phansi ekhulumisana laye ngendaba eziphathelane le Zimbabwe.
Your browser doesn’t support HTML5
Ingxoxo loMnu. Ngqabutho Mabhena