Amapholisa namuhla aqinise isandla ekubopheni abephula imigoqo yokwenqabela ukumemetheka kwegcikwne le coronavirus ngokubopha abakade bezama ukungena enzikini yedolobho bengelancwadi ezibapha imvumo.
Ababone kusenzakala bathi amapholisa abephosela abantu laba ezimoteni beminyene kungakhathalekile lokuthi bengathelelana igcikwane le coronavirus.
Kubikwa kugcwele ezitokisini zelizwe jikelele ngabantu ababotshelwe amacala awokwephula imigoqo ye coronavirus.
Imizamo yokukhuluma lamapholisa yehlule kodwa elotshwa enkundleni yokuxhuma, eye Twitter, amapholisa athi asebophe abantu abafika phose ingxenye yesigidi, 393 504 elizweni jikelele selokhu leligcikwane laqhamuka.
Kuthi izolo nje kuphela besekubotshwe abantu abazinkulungwane ezedlula ezintathu 3 560.
Amapholisa athi ababotshiweyo balamacala abalisa awokungagqoki ama mask inengi lingebelihamba hamba okungela mvumo.
Ukuhlaziya loludaba sixoxe lelunga lenhlanganiso elimukisa uzulu ngegcikwane eye Covid 19 Monitoring Mechanism Taskforce, uMnu. Effie Dlela Ncube.
Your browser doesn’t support HTML5
Ingxoxo loMnu. Effie Dlela Ncube