Ukuna kwezulu endaweni zonke zelizwe sokuphe ithemba kuzulu abahlaziya ngezomnotho ukuthi umnyaka lo uzakuba lenala okuzakwenza ukuthi umnotho uthuthuke.
Umnotho welizwe le Zimbabwe ugxile kwezokulima ezibalisa igwayi, ushinda, ingqoloyi lomumbu. Ezinye zezilimo lezi ziyathengiswa kwamanye amazwe okulethela ilizwe imali yakwamanye amazwe.
Kodwa ingcwethi kwezenotho, uMnu. Rejoice Ngwenya uthi lanxa kuthembisa lonyaka kulezinye inhlangothi zomnotho ezilokhu zifuna ukulungisiswa ukuze kube lobubelo.
Lokhu kugcizelelwe ngenye njalo ingcwethi kwezenotho, uMnu. Albert Mhlanga othi inengi alisoze lithengisele iziphala ze GMB amabele ngoba bengasathembi uhulumende.
Izakhamizi zithi indlala ivele isinganeno ngoba sezidobha dobha imibhida yemasimini.
Kodwa abanye sebesesabela ukuthi kuzakuba lendlala ngoba izulu lisina kakhulu.
Sixoxe lesakhamuzi sesigaba seMangwe, uMnu. Solani Moyo ukuze sizwe ukuthi uthini ngenala yalonyaka.
Kodwa uNgwenya uthi isisindo semali yiso esabangela ukuthi imvundiso ye fertilizer ingatholakali lula okungabengela ukuthi isivuno sibe silutshwana kulalokhu okungakhangelelwa izulu nxa lisina njengalumnyaka.
Ngomnyaka odluleyo ezokulima zathuthukisa umnotho welizwe ngesilinganiso sokulitshumi lasithoba minwe mibili ekhulwini.
Your browser doesn’t support HTML5
Udaba Silethulelwa nguChris Gande