Inani labasinda emkhuhlaneni we Covid 19 liya lisehla osekubangele abezempilakahle ukuthi bacabangele ukuthi kungaba sokulohlobo lwegcikwane le coronavirus olutsha olubikwa lukhona kwele South Africa lakwele Bhilitane.
Umholi wesibhedlela esMpilo ko Bulawayo, uDokotela Solwayo Ngwenya eloba enkundleni yokuxhumana eye Twitter, uthi inani labasindayo kulumkhuhlane lehle livela kusilinganiso sokulikhulu ekhulwini 95 percent sayafika ku matshumi ayisithupha lane, 64.7 percent.
Abanye ngabathi bazithole belomkhuhlane olezibonelo ze Covid 19 kodwa behlolwe kabili lokhu bethiwa bamsulu kodwa bacine sebebhubha kutholakale ukuthi babulewe yiyo kanye icovid 19, osekubangele ukwesaba ukuthi mhlawumbe lumkhuhlane uyazifihla egazini.
UChris Gande weStudio Seven uxoxe lengcwethi kwezempilakahle, uDokotela Rorgers Magigo ukuthi kanti vele kuyini okunga kusenzakala ngaleligcikwane?
Your browser doesn’t support HTML5
Ingxoxo loDokotela Rorgers Mugigo