Inhlanganiso yeBulawayo Progressive Residents Association ithi ilokhu ixoxisana lekhansi yedolobho lakoBulawayo, ngokuthi ingakhuphuli imithelo ngesilinganiso esifika phose kumakhulu amane ekhulwini: 372 percent ngoba inengi lingasoze lenelise.
Umthelo lo uvezwe ngusibalukhulu walelidolobho uMnu. Christopher Dube othe izakhamizi zizabhadala imali yazo yomthelo isithe xaxa kusukela ngenyanga kaZibandlela elandelayo.
UMnu. Dube uthi imali le isetshenziswa yikhansili kundleko zayo zokuthi yethulele izakhamizi umlandu wayo we service delivery ngemfanelo.
Imali le ngeye supplementary budget yomnyaka wonalo njalo kukhangelelwe ukuthi ikhuphuke njalo ngesilinganiso sokwedlula amakhulu amane ekhulwini 421 percent i budget yomnyaka ozayo ikhansili ingavunyelwa nguhulumende ukuthi isebenze,
Okunengi ngaloludaba asikuzweni kungxoxo uSithandekile Mhlanga weStudio 7 ayiqhube loNkosikazi Violet Nxumalo, isiphathamandla senhlanganiso yeBulawayo Progressive Residents Association.
Your browser doesn’t support HTML5
Ingxoxo loNkosikazi Violet Nxumalo