Izakhamizi zikhalaza ngokuswelakala kwedibha eSilobela osekubangele ukuthi zesabele ukuthi kungaqhamuka imihkhlane yezifuyo.
Izakhamizi lezi eziphansi kwe nduna uMalisa ziyakhonona
ngokuswelakala kwedibha emangweni wase Ndlamathuli lase Masuthi.
Lokhu kuza ngesikhathi izakhamizi lezi seziqede umnyaka wonke
zingadibhisi inkomo zaZo kulumango osekufaka inkomo lezi engozini yokuthola imikhuhlane ebangelwa yimikhazi efana le tick bone, leyamasondo lomlomo, ifoot and mouth, leminye.
Izakhamizi zakulumango ezikhulume le Studio 7 zibike ukuba udubo osolukhona yikuswelakala kwedibha e Ndlamathuli lase Masuthi.
UMn. Sahle Mahlangu osuka ku ward 21 phansi kuka Mlisa uMnu. Mtshikotsha Wadi uthi udubo olukhulu yikuthi kabala mali yokudibhisa inkomo zabo.
“Silapha eAbifioce, silapha e Mtshikitsha Wadi. Siphazamiswa yikuba siphazamiswa ngumkhuhlane we tick bone wona olakhu ukuzibulalisa,” kutsho uMahlangu.
Esinye njalo isakhamuzi esikhulume le Studio 7 uMnu. Mustafi Sibanda uthi udubo lolu soluphazamisa inani le nkomo ezitholakala kulumango.
“Amathokazi kawasoze azale ngenxa yemikhazi imbele siyasowoma. Amanzi nxa engekho,” kutsho uSibanda.
Esinye njali isakhamuzi esisuka ku ward 28 uMnu Benard Mangena, uthiuhulumende kumele assize izakhamizi lezi ukuze zidinge indlela yokudibhisa.
“Inkomo zethu ziyaphazamiseke ngoba idibha lokhu licine mhlaka 26 Nhlolanja. Abanye balenkomo ezinengi,” kutsho uMangena.
Your browser doesn’t support HTML5
Udaba Silethulelwa nguMlondolozi Ndlovu