Amapholisa asexwayise abantu ukuthi beqhubeke belandela iziqondiso zokuvikela ukumemetheka kwegcikwane leCOVID 19 njalo athi abazayekela ukwenza lokhu bazabotshwa.
Isiphathamandla samapholisa uMnu. Paul Nyathi wethule lumbiko izolo ntambama, lapho agcizelele ukuthi abantu kufanele bekhumbule ukuthi kufanele bebuyele ezindlini masinyane ngenxa ye curfew.
Uthe abazatholakala bezivalele bethengisa utshwala ngemva kwalesi isikhathi bazabotshwa.
Ngakwelinye icele, ugatsha lwezempilakahle luthi sokulabanye njalo abantu abalngamatshumi ayisithupha lanhlanu-65, asebehlaselwe ligcikwane leCOVID 19, eselibulele abanye njalo abane edolobheni lakoBulawayo.
Lokhu kutsho ukuthi inani Labantu asebelegcikwane leli elizweni sebefika inkulungwane phose ezilitshumi -9046 njalo selabulala abayi 265.
UMnu. Nyathi uthi abatshayela amakhombi abazatholakala besebenza bazawathathelwa labanini bawo bejeziswe.
Kusenjalo, ingcwethi kwezempilakahle udokotela Rogers Magigo uchasisa ngendlela yokuzivikela kuleligcikwane kanye lokuthi labo abacabangela ukuthi bengabe belalo bethathe amanyethelo bani.
Your browser doesn’t support HTML5
Ingxoxo loDokotela Regis Magigo