Amagqwetha entathelizindaba evalelwe eChikurubi uHopewell Chin’ono athi esabela impilakahle yakhe ngoba sokuqhamuke imikhuhlane efana le-bronchitis, i-hepatitis B kanye TB kulelijele.
UChin’ono ubotshwe mhlaka 3 kulinyanga esetheswa icala lokuvimba isandla somthetho kudaba ake walubotshelwa njalo ngoNtulikazi olokutshotshozela udlakela.
NgoLwesighathu inkantolo yeHigh Court ihluze isicelo sakhe sokuthi akhululwe ngemali yesibambiso, ibail ngemva kokwalelwa ngumthethwandaba kamantshi.
Elinye lamagqwetha akhe uMnu Doug Coltart, uveze izolo enkundleni yeTwitter ukuthi isitokisi uChin’ono ahlala kusi siminyeke kakhulu njalo silezibotshwa ezingamatshumi amane lasithupha, 46 lanxa sakhelwa abantu abalitshumi lasithupha kuphela, 16.
Ngokunjalo, uColtart uthi uChin’ono ulakho ukuhlaselwa yimikhuhlane le kalula. Umahluleli weHigh Court uzakwethula isinqumo sakhe kusasa kusicale sikaChin’ono esokuthi akhululwe.
Ukuhlaziya loludaba uNtungamili Nkomo weStudio 7 uxoxe lolwela amalungelo oluntu uMnu Mbuso Fuzwayo.
Your browser doesn’t support HTML5
Ingxoxo loMnu. Mbuso Fuzwayo