Lanxa abebandla leZanu PF besithi kumele uzulu ebambane kumkhankaso wokuthi izijeziso abathi zetheswa eleZimbabwe zesulwe, abebandla leMDC Alliance bathi ngaphandle kokuthi uhulumende ahloniphe amalungelo kazulu, kababoni zisuswa lezizijeziso.
Uhulumende uthi amazwe akumanyano weSadc azabambana leleZimbabwe mhlaka 25 ngeSonto, okulilanga elibizwa ngokuthi yiAnti-Sanctions Day, lona elahlelwa yilumangano ukuthi ukhankasele ukwesulwa kwezijeziso zeMelika leEuropean Union, ngoba ziphambanisa uzulu makhaza.
Kodwa eleMelika lithi izijeziso lezi zafakelwa amalunga eZanu PF lamankampani alobudlelwano lalelibandla aphatheke kumisebenzi yokwephula amalungelo oluntu njalo aziphazamisi uzulu.
Ibandla leMDC Alliance lalo lithi nxa uhulumende efuna ukuthi izijeziso zesulwe, kumele aguqule izenzo zakhe.
Ukuhlaziya loludaba sixoxe loMnu Believe Gaule oweZanu PF loMnu Edwin Ndlovu oweMDC Alliance onguye osungula lingxoxo.
Your browser doesn’t support HTML5
Ingxoxo loMnu Edwin Ndlovu loMnu Believe Gaule