Inani labantu asebebulewe ngumkhuhlane weCovid-19 kuleli selikhwelile laya phezu kwamakhulu amabili, 202, kulandela ukubhubha kwabantu abayisithupha izolo.
Ugatsha olubona ngezempilakahle luthi abathathu babantu laba ngabedolobho lakoBulawayo kuthi ababili ngabeMatabeleland South. Oyedwa ngoweMidlands.
Ababanjwe umkhuhlane lo izolo bangamatshumi ayisitshiyangalombili lanhlanu, 85.
Ngaphandle kwabahlanu kuphela abavele lawo kweleSouth Africa, abanye bonke bawuthole khonapha elizweni. Abatholakale sebepholile izolo njalo balikhulu lamatshumi yisithupha, 160.
Lokhu kukhuphule inani lasebephephile laya ku5221. Abalokhu begula bona bangu1074. Ukuhlaziya loludaba sixhume isiphathamandla senhlanganiso yeCitizens Covid-19 Monitor uMnu Effie Dlela Ncube.
Your browser doesn’t support HTML5
Ingxoxo loMnu. Effie Dlela Ncube