ZimStats: Imali Efunwa Yimuli Ngenyanga Ikhwele Ngenkulungwane Ezine Yaya kuZ$15,500

  • Ntungamili Nkomo

Two elderly women shop for mealie meal and other basic commodities, March 14 2019, in the Mutoko rural area of Zimbabwe. Eastern Zimbabwe receives help to fight drought induced hunger.

Ugatsha lukahulumende olubona ngezamanani olweZimStats luthi imali edingwa yimuli elabantu abahlanu ukuze ihlawulele indleko zayo kuhle ngenyanga ikhwele ngenkulungwane ezine isuka ku$11,334.00 ngoNhlangula yaya ku$15,573.00 ngenyanga edluleyo.

Umbiko lo uza ngesikhathi idola leZimbabwe liqhubeka ilahlekelwa luhlonzi njalo lesilingaliso sokukhuphuka kwentengo yezinto, i-inflation layo isikhwele yaya ku837 percent isuka ku737.

Inhlanganiso zezisebenzi zona zithi imali edingwa yimuli ngenyanga yedlula khatshana le ekhulunywa yiZimstats.

Isiphathamandla senhlanganiso yababalisi iPTUZ, uNkosikazi Nokuthula Hlabangana utshele lumsakazo ukuthi kuyabadanisa ukuthi uhulumende uyazikhulumeli iimali edingwa yimuli ngenyanga yena ebaholisa imali imali ephansi kwe$4,000 kuphela.

Your browser doesn’t support HTML5

Ingxoxo loNkosikazi Nokuthula Hlabangana

Isikhulumeli senhlanganso emela abathengi iNational Consumer Rights Association uMnu Effie Dlela Ncube yena uthe imali eyiyo edingwa yimuli ngenyanga ifika ku$25,000.

Your browser doesn’t support HTML5

Ingxoxo loMnu Effie Dlela Ncube