manye amantombazana asezithwele kuthi abafana sebeyegebha igolide okungadala ukuthi bengasaqhubekeli phambili ngezimfundo zabo lapho kuvulwa izikolo.UAlbert Ncube usipha loludaba ngokugcweleyo.
Izikolo zivalwe ekupheleni kukaMbimbitho njalo kuze kube lamhlanje lokhu zingakavulwa ngenxa yokumemetheka kwegciwane leCorona Virus kuleli.
Abazali esixoxe labo bathi bakhathazekile ngekusasa labantwababo besithi abanye balakho ukungasabuyeli ezikolo lapho zithe zavulwa ngenxa yezizatho ezitshiyeneyo.
UNkosikazi Nomathemba Ndlovu oyisakhamuzi seSitezi uthi laloba kungumlandu wabo njengabazli ukukhulisa abantwana ukuvalwa kwezikolo lokhu kudala ukuthi kubenzima ukubalandelele okudala ukuthi baphatheke entweni ezitshiyeneyo .
"Nxa umntwana esesikolo ebehamba esiya esikolo ephenduka ebuya ekhaya ithuba elinengi lokuthi avakatshe ebengalitholi okwamanje abantwana bayahamba hamba abanye bayahamba so yonalawo amathuba anjalo ayabafaka engozini ngoba ilanga lonke lisiyatshona ayabe ehlangane lakho uyabe ungakwazi wena ungumzali sokungaba yingozi kakhulu nxa sebuyela esikolo esengasaphumeleli ezifundweni zakhe esengumama sezithwele kumbe selomntwana," kutsho uNdlovu.
Amazwi la asekelwe ngesinye njalo isakhamuzi seSitezi uNkosikazi Santa Mabuya Mathobela othi abanye abafundi abasoze babuyela ezikolo nxa zingavulwa.
"Nxa sikhangela kusiyafika isikhathi sokuthi kuvulwe izikolo abanengi bakhona kabasoze bakwanise ukubuyela ezikolo bazabe nje sebengomama sebephethe abantwababo ngoba sisebunzimeni obukhulu kakhulu ngoba umntwana nxa engasayi esikolo uyambona loba usumkhuza ukuthi ingani kasazwisisi sebona ukuhlala ekhaya laye sengumama nje," kutsho uMathobela.
UNkosikazi Lizzy Masuku laye othi ukumiswa kwezemfundo lokhu sekuphazamise ikusasa yabantwababo ngoba inengi seligijimela imali yegolide.
"Abantwana bethu abangabafana basuku baye bamba imali abangakaze behlangane layo emhlabeni bethi bebuya ngapha emankazaneni sbebathengela amafoni anzima adabula ubuchopho , umntwana sengabuyela esikolo esebamba imali engaka yena ummana sengabuyela ebamba izigidi zamarand," kutsho uMasuku.
UMqondisi wenhlanganiso yababalisi eyeProgressive Teacher's Union of Zimbabwe eZansi yemaNdebeleni uMnu Agent Moyo uthi iyadanisa imbiko abayitholayo evela emakhaya,ukhuthaza abazali ukuthi babhasope abantwababo ngalesisikhathi kuvalwe izikolo.
"Sesithole imbiko evela emakhaya ethi amantombazana amanengi sezithwele njalo abafana abanengi basesitsheketsheni sizabona ukwehla kwenani labafundi lapho izikolo sezivulwa, yona imfundo ayisiyo yababalisi bodwa imfundo igoqela labadala so ngalesisikhathi sicela abadala ukuthi basikhangelele abantwana besemakhaya," kutsho uMoyo.
UMqondisi wenhlanganiso elwela amalungelo abomama lamantombazana eyeWomen Development Association of Zimbabwe iWODAZ uNkosikazi Julieth Nkiwane uthi abantwana abazithweleyo kumele bavunyelwe ukubuyela ezikolo ngemva kweLockdown.
"Ngiyadana ngoba kulesikolo engisaziyo abantwana abangu 8 already sebezithwele ekilasini eyodwa engiyaziyo eka Fomu 2 kodwa hangi siyalwisa ukuthi abantwana abangamankazana bengaze bezithwale ababuyele esikolo ngemva kwempi abantwana babuyela esikolo njalo ngemva kwempi abafundayo yibo abenza ngcono," kutsho uNkiwane.
Igciwane leCorona Virus liya limemetheka kulesisabelo njalo sebengamakhulu amahlanu lasikhombisa asebetholakale belalo labulala ababili kulesisabelo.
Your browser doesn’t support HTML5
Udaba Silethulelwa nguAlbert Ncube