Kulabantu abangamatshumi amabili lasikhombisa, 27, abavele kweleSouth Africa abafunyanwe belomkhuhlane weCovid-19 izolo.
Lokhu kubangele ukuthi inani lasebebanjwe umkhuhlane lo elizweni likhuphuke liye kumakhulu amathathu aletshumi lane, 314.
Ugatsha lwezempilakahle luthi abantu laba sebehanjiswe lapho abazahlala khona umuntu ngamunye ukuze bengatheleli abanye igciwane elibangela lumkhuhlane eleCoronavirus.
Inani lasebesindile kulumkhuhlane likumatshumi amane lasithupha, 46, kuthi asebefile bona balokhu bebane.
Idolobho leHarare yilo elikhokhelayo ngenani labalomkhuhlane lo abedlula amakhulu amathathu, 366, lilandela yisabelo seMatabeleland South sona esilabantu abangamatshumi ayisikhombisa, 70.
Ukukhuphuka nsuku zonke kwenani labaleCoronavirus yinto ekhathaza abantu abanengi.
Sixoxe lesiphathamandla senhlanganiso esebenza lozulu wemaphandleni eLupane lakwezinye indawo uMnu Vumani Ndlovu othi kuyesatshelwa ukuthi abantwana besikolo bayesatshelwa ukuthi bengathelelana leligcikwane izikolo zingavulwa ngenyanga ezayo njengokutsho kukahulumende.
UNtungamili Nkomo weStudio Seven uqale ngokubuza uNdlovu ukuthi umumo unjani khonale eLupane.
Your browser doesn’t support HTML5
Ingxoxo loMnu. Vumani Ndlovu
Kusenjalo, inhlanganiso ye Iam4Bulawayo Against COVID 19, esebenza lohulumende ukulwisana legcikwane leCoronavirus ithi incedisa abantu abalondolozwe endaweni zama quarantine centers besahlolwa ukuthi bengabe belegcikwane leCoronavirus kumbe hayi, ngokubanika ukudla lokunye okudingakalayo.
Umgcinisihlalo walinhlanganiso uMnu. Busisa Moyo uxoxa loSithandekile Mhlanga weStudio 7 ngaloludaba.
Your browser doesn’t support HTML5
Ingxoxo loMnu. Busisa Moyo