Inhlanganiso yeZimbabwe Community in South Africa ithi isikhweze isicelo kusigodlo seZimbabwe kulelolizwe ukuthi abaphindela ekhaya behlolwe igcikwane leCoronavirus phambilini kokuya endaweni zama Quarantine Centres elizweni, ezibikwa ziminyene njalo zingahlanzekanga.
Inengi libikwa selibaleka kulezi indawo njalo inhlanganiso yeZimbabwe Association of Doctors for Human Rights izolo ikhweze udaba lokuthi kungcolile kuma quarantine centers, njalo abanye bengathola igcikwane leCoronavirus.
Inengi labatholakala belaleligcikwane ngabavela kwamanye amazwe agoqela eleSouth Africa, Botswana, Mozambique, kanye lamazwe aphetsheya.
UMnu. Ngqabutho Mabhena, isiphathamandla senhlanganiso yeZimbabwe Community in South Africa, uchasisela uSithandekile Mhlanga weStudio 7 okunengi ngaloludaba.
Your browser doesn’t support HTML5
Ingxoxo loMnu. Ngqabuth Nicholas Mabhena
Kunjalo nje, umsekeli wesikhulumeli sebandla leMDC Alliance uDr. Felix Magalela Mafa uthi ibandla lakhe liyasola ukuthi uhulumende ufuna ukuvula izikolo ngesiphangi-phangi, njalo lixwayisa abantu ukuthi belandele izixwayiso zokwenqabela leligcikwane.
Your browser doesn’t support HTML5
Ingxoxo loMnu. Felix Magalela Mafa Sibanda