UMongameli Emmerson Mnangagwa sekhethe obengunobhala kugatsha olubona ngezempilakahle uDokotela Agnes Mahomva ukuthi abe nguye okhokhela imizamo yokulwisana lomkhuhlane weCoronavirus elizweni.
Embikweni awethule izolo ntambama, umabhalane wedale labaphathintambo bakahulumende uMnu Misheck Sibanda uthe uhulumende ukubone kufanele ukubana asungule isikhundla lesi ukuze kubelomuntu oqondane lokuqoqa inhlelo zokuqeda lumkhuhlane.
Wengeze wathi umuntu ozathatha esikhundla esitshiywe nguDokotela Mahomva uzamenyezelwa kusikhatshana esilandelayo.
Inyathelo likaMnangagwa leli liza ngesikhathi inani labantu abaleCoronavirus eZimbabwe selifike kumatshumi amathathu lasikhombisa njalo likhanya likhuphuka.
Ukuhlaziya loludaba sixhume umqondisi wenhlanganiso yeBulawayo Progressive Residents Association uMnu Ambrose Sibindi.
Your browser doesn’t support HTML5
Ingxoxo loMnu. Ambrose Sibindi