Ikhomidi ebona ngobudlelwano lamanye amazwe, eye U.S Senate Foreign Relations Committee ithi uncedo oluphiwe eleZimbabwe libhanga le World Bank kumele lufakwe imigoqo elukhuni ukwenqbela ukutshaphazwa nguhulumende.
Kumbiko owethulwe enkundleni yokuxhumana eye Twitter, likhomidi ithi kumele kuthathwe lelinyathelo ukuze uncedo lolu olwamadola ayizigidi eziyisikhombisa, $7 million lunfinyelele uzulu ngalesi sikhathi segcikwane le coronavirus.
Kunjalo nje abenhlanganiso ezizimeleyo eziphatheke kunhlelo zokulimukisa uzulu ngomkhuhlane weCoronavirus sebamukele ngenjabulo usizo lwemali le ephiwe iZimbabwe libhanga elikhulu lomhlaba eleWorld Bank izolo, ekhangelane lokulwisana lokumemetheka kwalumkhuhlane.
Ibhanga leli lithe lanxa eleZimbabwe lilikweleda imali enengi, likubone kufanele ukuthi liphathise ilizwe leli ngemali yokulwisana leCoronavirus.
EleZimbabwe likweleda iWorld Bank lamanye amabhanga afana leAfrican Development Bank kanye leEuropean Investment Bank imali engangeUS$1,2 billion. Sixoxe lesikhulumeli senhlanganiso yeCitizens Covid-19 Monitor uMnu Effie Dlela Ncube.
Your browser doesn’t support HTML5
Ingxoxo loMnu. Effi Dlela Ncube
Kusenjalo, inhlanganiso ezibiza ngokuthi yi‘I am for Bulawayo Against Covid-19’ ithi iyaqhubeka ngohlelo lokuphathisa uzulu ophanjaniswele impilo yiCoronavirus, ngokudla. Sixoxe lesikhulumeli salinhlanganiso uMnu Useni Sibanda.
Your browser doesn’t support HTML5
Ingxoxo loMnu. Seni Sibanda