Elinye iqula lezizalwane zeZimbabwe ezihlala kweleSouth Africa likhangelelwe ukufika emgceleni weBeitbridge Border Post namuhla livela kulelolizwe, ngesikhathi inengi lisithi liyehluleka ukuziphilisa kulelolizwe, umhlaba ulwisana lomkhuhlane weCOVID 19.
Uhulumende usegcizelele loludaba, njalo uthi banengi abakusimo esifanayo abakwamanye amazwe abafuna ukuza ekhaya.
Amabhasi athwala laba abantu abalisa i Eagle Liner, DNC, Mzansi, leDelta Couches, njalo abantu bayazibhadalela imali kuwo, kanye leyokuthola amaphepha asemthethweni awokuchapha umgcele.
UMnu. Vusumuzi Sibanda, umqondisi wenhlanganiso yeAfrica Diaspora Forum, ekhulumisana lohulumende ngaloludaba, uthi mhlawumbe abanye abalalwazi lokuthi bazahlaliswa bodwa ku self-quarantine, kodwa kulotshiwe encwadini abaziphiweyo.
Your browser doesn’t support HTML5
Ingxoxo loMnu. Vusumuzi Sibanda