Izakhamizi zesigaba seMatabeleland South zithi ziphilela evalweni lokumemetheka kwegcikwane lecoronavirus kulandela imbiko ethi abagcinwe esikolo se Plumtree High School baphiwe amajazi abakhwenyana, ama condom ngesilungu, agcwele amabhokisi amane bawatshaya bawaphutsha ngosuku olulodwa.
Abantu laba ngabasuswa kwele Botswana basebethiwa kumele bahlale esikolo se Plumtree High School okwamalanga angamatshumi amabili lanye ukuze bengamemethekisi igcikwane lecoronavirus nxa belalo.
Lokhu kudale ukuthi izakhamizi zicabangele ukuthi abantu laba bengaba befohlo ebusuku besiya emacansini lezakhamizi kumbe kungaba kulezakhamizi ezifohla zingene esikolo lesi zilale labantu laba.
Sixoxe lesakhamuzi se Plumtree, uMnu. Solani Moyo, ongumgcinisihlalo sebandla leMDC Alliance, saqala ngokumbuza ukuthi unjani umumo esigabeni seMatabeleland South?
Your browser doesn’t support HTML5
Ingxox loMnu. Solani Moyo