Umongameli Emmerson Mnangagwa uthi uhulumende wakhe usacwayisisa ukuba kungezelelwe na amalanga okuvalwa kwelizwe ngenhloso yokwenqabela ukumemetheka kwegcikwane le coronavirus.
Embikweni awethule izolo ntambama, umongameli Mnangagwa ukhuthaze abantu ukuthi beqhubeke ngokuhlala ezindlini njalo bengathintani mahlayana kubbe ukusondelelana eduze.
Uthe abazalokotha baphume ezindlini zabo okungelasizatho esibalulekileyo esesiphangingaphi bazawukhomba olotshwala ngoba amapholisa lamasotsha asezaqinisa izandla zabo ukuvimba abafuna ukuhambahamba mahlayana.
Ele South Africa lengezelele ngamaviki amabili uhlelo lokuvala phose ilizwe lonke kuvinjwa ukumemetheka kwegcikwane le coronavirus.
UMnangagwa uthe amazwe ehlukene inhlelo zawo ngakho uzulu abekezele besacubungula umumo andubana bethule isinqumo sokuthi ilizwe lizavulwa nini.
Lokhu kwenzakala umanyano weUnited Nations usithi kungaba lomonakalo omkhulu eleZimbabwe leleSouth Sudan lingahlaselwa ngumkhuhlane weCoronavirus, ngenxa yomnotho welizwe ophansi, emazweni womabili.
Ukuhlaziya loludaba, uSithandekile Mhlanga weStudio 7 uxoxe lonobhala jikelele wenhlanganiso ye Economic Freedom Fighters of Zimbabwe, uMnu. Siphosenkosi Matshokomola Bhalule, oqala ngokusipha umbono wakhe ngokwetheulwe yi United Nations.
Your browser doesn’t support HTML5
Ingxoxo loMnu. Siphosenkosi Mathokomela Bhalule