Impahla emqoka empilweni kazulu efana lempuphu lamafutha ezimota, awokuphekisa, isinkwa lokunye akutholakali lula elizweni. Kodwa emkambo wensitha konke lokhu kutholakala lula lanxa intengo iyabe ithe xaxa.
Izitolo ezikhulu ezifana labo Meikles lezinye ezithengisa impahla yokugqoka ezifana labo Powersales sezivaliwe ngoba abathengisa impahla efanayo bebeyithengisa phandle kwezitolo lezi.
Kambe umkambo wensitha ungaba yiwo obulala amankamampani azimeleyo? Ingcwethi ecubungula ezomnotho, uMnu. Anglistone Sibanda uthi umkambo wensitha ususenza impilo kazulu makhaza ibenzima.
Enye njalo ingcwethi ecubungula ezomnotho welizwe, uMnu. Masimba Kuchera uthi kuliqiniso ukuthi umkambo wenistha ukhona emazweni amanengi emhlabeni jikelele kodwa owe Zimbabwe usuka ube phambili.
Kodwa umgcinisihlalo wenhlanganiso yabaphila ngokuthenga bethengisa impahla eye Bulawayo Vendors and Traders’ Association, uMnu. Michael Mdladla Ndiweni uthi akusiloqinisio ukuthi umkambo wensitha yiwo obhidliza amabhizimusi avele ezimele.
Uhulumende uhlezi esithi ufuna ukuqeda umkambo wensitha kodwa abanye bathi kuleziphathamandla zikahulumende eziphehla umkambo wensitha ngokususa impahla ezitolo sezithengiswa emkambo lo ngentengo ethe xaxa.
Imizamo yokukhuluma leziphathamandla zikahulumende ngaloludaba yehlule.
Your browser doesn’t support HTML5
Ingxoxo loMnu. Michael Mdladla Ndiweni