Abawelwe yingozi yezulu lesikhukhula eHwange ngoMgqibelo balahlekelwa zimpahla ezitshiyeneyo sebethole usizo oluvela kubosomabhizimusi beVictoria Falls kanye labezinkonzo.
Usizo lolu lugoqela ukudla, okokugqoka, ingubo, amanzi lokunye. Amabhizimusi amanengi aphatheke kubi kulesi sehlakalo abikwa elokhe evaliwe.
Imuli ezingamatshumi amathathu lasitshiyagalolunye ezingenelwe ngamanzi ezindlini zihlaliswe eGuest House, okuyisakhiwo senkampani emba amalahle, iHwange Colliery lakwezinye izindlu eCinderella.
Izulu leli liphazamise njalo umsebenzi wokuphehla amagetsi eHwange Power Station. Uhulumende uthi lokhu kuzabangela ukusilela kwamagetsi ngamandla.
Umqondisi wenhlanganiso yelyeja Nyayi Development Trust njalo eyisakhamuzi seHwange uMnu Shadreck Goliath Kativu, utshele iStudio 7 ukuthi abanengi besabela ukuthi izulu leli lingaphinda umphehlo lengeze umonakalo ovele usukhona.
Your browser doesn’t support HTML5
Ingxoxo loMnu Shadreck Goliath Kativu