Iziphathamandla zedolobho le Victoria Falls zithi akusiloqiniso ukuthi impophoma ze Victoria Falls sezisoma ngenxa yokuguquka kwezomkhathi.
Kumalanga amalutshwana asanda kwedlula imisakazo lamaphephandaba ethule udaba lokuthi amanzi asehlile kakhulu kwezinye indawo oma qha.
Lokhu kwethuse abanye abathanda ezemvelo kunye lelizwe ngoba lithola inzuzo zemali yakwamanye amazwe ngoba lezimpophoma zidumile umhlaba wonke jikelele.
Kodwa iziphathamandla zedolobho leli zithi amanzi angaba ehlile kanance ngoba vele yiso isikhathi umfula uZambezi angagcwali ngaso egcwala ngenyanga kaNhlangula.
Ukhansila walelidolobho, uMnu. Ephias Mambume, njalo esebenzi kweziphathalane lokwethekelelwa kwelizwe, utshele iStudio Seven ukuthi isilinganiso samanzi esikhona kathesi asehlukananga kakhulu lanyakenye.
Your browser doesn’t support HTML5
Ingxoxo loMnu. Ephias Mambume