Ukususwa kwemali ebifakelwa nguhulumende ukuze intengo yempuphu ibe nganeno sokubangele ukuthi inengi lingafinyeleli intengo yempuphu ngesikhathi intengo yokudla lokunye iqansa mihla ngemihla.
Isaka lemphuphu eliyisilinganiso se 50 kgs selithengwa ngemali edlula amadola angamakhulu amahlanu, $500.
NgoMvulo intengo yamafutha ezimota layo ikhwelile osekuzabangela ukukhwela njalo kwentengo yenye impahla ezitolo.
Usomabhizimusi wako Bulawayo uMnu. Abednicho Bhebhe uthi intengo isikhwela mahlayana.
Esinye isakhamuzi sako Bulawayo, uNkosazana Tendai Masocha, uthi okwenzakalayo kutshengisa ukwehluleka kukahulumende.
Ukukhwela mahlayana kwempahla ezitolo kutshiye uzulu ethukuthele njalo izisebenzi ezinengi zisithi sezizakhalala umsebenzi ngenxa yeholo elingaseneli ukondla izimuli.
Okunye okulembadalo ekhwele kwatshiya uzulu emangele yimbadalo yokuthatha ipassport esifika phose isigidi esisodwa samadola, i$1901. Kuthi nxa umuntu efuna ipassport yesiphangiphangi umuntu usehlawula amadola adlula inkulungwane ezinhlanu, $5 406.
Kodwa uhulumende uyalandula ukuthi amapassport asekhweziwe.
Your browser doesn’t support HTML5
Udaba Silethulelwa ngu Chris Gande