Izakhamizi zakoBulawayo zihlangane lomphathintambo walelidolobho, uNkosikazi Judith Ncube, ngoLwesithathu zikhonona ngokutshiywa phandle kwabantu beMatabeleland kuhlelo lokufundisa abongi esibhedlela seMpilo.
Unobhala jikelele webandla leZapu, uMnu John Zolani Dlamini, uthi baveze ukuthukuthela okukhulu kuNkosikazi Ncube bacela ukuthi uhulumende angenele alungisise loludaba.
UNkosikazi Ncube uthembise ukuluchaya emhlanganweni akhangelelwe ukuwenza loMongameli Emmerson Mnangawa NgoLwesihlanu kuyonale iviki.
Kusenjalo, ukuxotshwa kwabodokotela asebelenyanga ezimbili bephakathi kokukhalala umsebenzi nguhulumende ngoLwesibili kubikwa sokuqhelise udubo olubhekane leMpilo Hospital lezinye izibhedlela zikahulumende ebe zivele zisebenza nzima.
Your browser doesn’t support HTML5
Udaba Siluphiwa nguAnnahstacia Ndlovu