Abakhubazekileyo ngokungezwa endlebeni babuthane ngoLwesithathu eHarare benanza ilanga lolimi lokukhulumisana kusetshenjiswa izandla, isign language ngesingisi, ngenhloso yokucebisana indlela zokwehlisa inkinga ababhekana lazo empilweni.
Umbuthano lo oqoqwe ngabenhlanganiso ye Deaf Zimbabwe, wenziwa phansi kwe ndikimba ekhuthaza ukuthuthukiswa kokukhulumisana nge sign language njengelungelo loluntu, ethi “Sign Language Rights for all”.
Umgcinisihlalo wekomishinni ebona ngezamalungelo oluntu eye National Peace and reconciliation Commission, uMnu. Selo Masole Nare, uthi basekela ngokugcweleyo ukuthuthukiswa lokulwelwa kwamalungelo oluntu.
“Yikho I programme yethu ihlanganisela le Midlands state University ukuze bafundiswe I kakhulukazi laba abantu abasuka babe phakathi kobunzima obenza ukuthi amalungelo abo angaphathwa kakuhle esithi ngesikhiwa ngama victims ukuze bakhulume ngolimi lwabo bekhululekile ukuthi kuhambe kanjani lawe otshelwayo ubazwisisa.”
Uthi kunje sebebe lemihlangano yama outreach endaweni ezigoqela, iMbare le Epworth ngodaba lwabakhubazekileyo lama lungelo abo ethi kuyajabulisa ukubona ukuba izifundo zeSign Language sezikhona ezikolo.
“Sokuguqukile kulayizolo , bayafundiswa abantwana njalo I sign language kwenza ukuba kube lokuqakatheka kulokho abakukhulumayo phezu kwempilakahle yabo kalula.”
U Senator Watson Khupe omela abakhubazekileyo edale le Senate engumgcinisihlalo we nhlanganiso ye Federation of Organizations of Disabled People in Zimbabwe uthi lokhe kusesekunengi okumele kwenziwe ukuphakamisa iSign language.
“Ingwalo zabo zokufunda azikabi khona ngokwenelayo.Izikolo ezifundisa ngalolulimi zitholakala ema dolobheni amakhulu .Ko Bulawayo kulesikolo esisodwa e Harare zingaba ngezinhlanu okutsho ukuthi infundo enje ayifinyeleli.”
Abenhlanganiso ye Deaf Zimbabwe bathi abakhubazekileyo lokhe bebhekana lobunzima obengezelelweyo ngenxa yomumo womnotho ongamanga kuhle elizweni. Inani labantu abakhubazeke endlebeni okubenza bengenelisi ukuzwa lokukhuluma, babikwa besedlula inkulungwane ezingamakhulu amabili lamatshumi amane-240 000 eZimbabwe, inengi labo liphila ngemisebenzi yezandla bethengisa ezitaladeni.
Umbuthano wanamhla wokunanza iSign Language Day, ungenwe ngamapolisa, abogatsha lwezemfundo abekhomishini ebona ngokulondolozwa kwamalungelo oluntu eyeHuman Rights Commission labanye.
Isahluko 6 sesisekelo sombuso sikubeka sobala ukuba iSign Language ngolunye lwendimi ezilutshumi lasithupha ezisetshenziswa eZimbabwe okugoqela isilungu, isiNdebele lesi Shona ngokulingeneyo.
Your browser doesn’t support HTML5
Udaba Silethulelwa nguMark Peter Nthambe