Uzulu uveze ukukhathazeka ngokukhala umsebenzi kwamadokotela, bethi besabela impilo zabantu ngoba beselatshwa ngodokotela abasafundela umsebenzi.
Laloba uhulumende ethule umbiko ethi odokotela akusamelanga bavunyelwe ukukhalala umsebenzi.
Odokotela ezibhedlela zempilo kanye lese United Bulawayo Hospitals koBulawayo beziphethwe ngodokotela abasafundela umsebenzi.
Lokhu kubangela ukwethuka lokukhathazeka kuzulu othi usesesabela impilo ngoba isibhedlela sivele asilamithi kanye lemitshina eqondileyo lokhu besekusengezelelwa yikuswelekala kwabodokotela.
Unkosikazi Pretty Sithole ogulelwa ngumkakhe uthi okusesibhedlela kunzima sebesesabela ukuthi abantu babo sebezabola.
‘‘Abantu bethu abasezibhedlela sebethwele nzima odokotela ngokuthi odokotela labo ababonakali ukuthi kube buhlungu umuntu afike eqamukile ulindele ukuthi uzafaka iplasta yinke into sokuthiwa uyithenge ubelayo kodwa kucine kuswelakala lowo muntu ozakufaka lokhu kucina kusiba buhlungu ebantwini ngoba uyabe ususesaba ukuthi usungabola kodwa usesibhedlela uswele ukuthi ungancediswa ngubani kumbe uncediseke njani ukuthi lawe usile masinyane,’’ kutsho uSithole.
Unkosikazi Similo Sibanda uthi isimo sibi lapha eZimbabwe odokotela abaphiwe imfanelo zabo ukuze basize abantu.
“Isimo sibi lapha kwelethu ele Zimbabwe nanka amadoctors ese strikhile khathesi sekusebenza ama junior doctors, amajunior doctors kuyabe kumela babe lodokotela abakhulu ukuthi babe bekhangela. Kutheni ukuthi baphiwe imfanelo zabo ngoba wonke umuntu uyamdinga udokotela akube lozwelo bantu. Asiyali ukuthi basitrike ngoba labo bafuna imfanelo zabo ngoba balezimuli,” kutsho uSibanda.
Unkosikazi Zanele Ncube olomtwana olalisiweyo esibhedlela uthi ulokukhathazeka ukuthi umtanakhe welatshwa ngokuqondileyo ngoba odokotela kuyibo abalolwazi olukhulu kulabomongikazi.
“Mina indaba yabodokotela laba abastrikileyo ayingiphathi kahle ngoba ngikhuluma so ngilomtwana otshileyo osempilo ngiyazibuza ukuthi bahlolwa ngubani, imedication uyiphiwa njani ngoba odokotela yibo abalolwazi olujulileyo indabale isingikhathaze kakhulu,” kutsho uNcube.
Uzulu uthi lesi asiso sikhathi sokuthi umuntu agule kumbe agulelwe ngomumo oseZimbabwe bethi ngoba izidumbu zizabazinengi ngokuswelakala kwabo dokotela kanye lemali ehluphayo.
Bakhalaza ngokuthi uHulumende abangezelele imali ngoba labo belezimuli ezifuna ukusizwa Kanye labantu abasezibhedlela bakhangelele kibo odokotela ukuthi impilo zabo zisezandleni ezinhle kulokuthi bakhangelwe ngabasafundelayo.
Your browser doesn’t support HTML5
Udabe Silethulelwa nguBathabile Dlamini
Lanxa uhulumende engezelele iholo labodokotela izolo bathi bazaqhubeka ngokungayi emsebenzini ngoba imali yabo ingeneli ukondla imuli zabo kumbe ukuthi benelise ukuya emsebenzini.
Odokotela labanye babo abakumsebenzi wezempilakahle bangezelelwe iholo labo kodwa odokotela, bona asebehola iRTGS$600 ngenyanga.
Sixoxe losaphethe isikhundla somkhokheli wenhlanganiso ye Zimbabwe Hospital Doctors’ Association, uDr. Peter Magombeyi othi labongo labo bathi sebezakhalala umsebenzi ngoba bengesenelisi ukuyafika ngenxa yobuncinyane beholo.
Your browser doesn’t support HTML5
Ingxoxo loDokotela Peter Magombeyi
Kunjalo nje, lanxa ukungayi emsebenzini kwabodokotela kumemetheke ilizwe lonke kulezinye izibhedlela ezilabodokotela abanengi abasemsebenzini.
Umqondisi wesibhedlela seMpilo, uDokotela Solwayo Ngwenya utshele iStudio Seven ukuthi kulesi sibhedlela odokotela abakhalale umsebenzi balutshwana kakhulu.
Your browser doesn’t support HTML5
Ingxoxo loDokotela Solwayo Ngwenya