UMongameli Emmerson Mnangagwa uhlangane labenhlanganiso ezizimeleyo koBulawayo ngoLwesine bakhulumisana ngendaba ezitshiyeneyo ezigoqela udaba lombuso wezabelo (devolution) kanye lombuqazwe weGukurahundi.
Onozindaba balelwe ukungena emhlanganweni lo kwathi enye njalo intatheli uZenzele Ndebele ubotshiwe ngemva kokutholakala elesigubhu se-tear gas emoteni yakhe.
UNdebele ubotshwe engena emhlanganweni lo njalo ubikwa ezamiswa emthethwandaba kusasa esetheswa icala lokugcina isikhali esiyingozi.
Inengi lisole ukubotshwa kukaMnu Ndebele lokwalelwa kwezinye intathelizindaba ukuthapha obekusenzakala emhlanganweni lo.
Abenhlanganiso ezizimeleyo abahatheke kulumhlangano bagoqela uNkosikazi Jenny Williams loNkosazana Magodonga Mahlangu abeWoza, uMnu Useni Sibanda owenhlanganiso yeChristian Alliance labanye.
Your browser doesn’t support HTML5
Udaba Siluphiwa nguAnnahstacia Ndlovu