Sokwedlule phose inyanga eyodwa kwaba lokutshengisela okwafa abantu kwagqekezwa izitolo ezilokhu ziphongukuba zingebhezi lanamuhla ngoba abanini bengelamali yokuzivuselela.
Abahlala emalokitshini ko Bulawayo yibo abathwelenzima ngoba izitolo ezinengi sezehluleke ukuvulwa njalo ngemva kokugqekezwa ezinye zatshiswa.
Isakhamuzi sako Bulawayo, uMnu. Edwin Ndlovu, oyisiphahtamandla sebandla le MDC, uthi uzulu usethwelenzima ngokugqekezela izitolo okwenzakalayo ngoba esemele agibele ayithenga impahla ebalisa isinkwa edolobheni:
Usomabhzimusi uMnu. Joseph Tshuma, oyisiphathamandla njalo sebandla le Zanu PF ulandisele iStudio Seven ngokwamehlelayo mhla kuqhamuka ubudlwangudlwangu ngelanga lokutshengisela:
Abammeli bedale lephalamende abe bandla leMDC bacina besiyacatsha ngesikhathi amapholisa lamasotsha esithi adinga ababengela ukutshengisela.
Amanye amalunga edale lawo agqekezelwa izindlu ngamapholisa lamasotsha. Omunye wabo nguMnu. Peter Moyo ohlala eHarare owabulawela imota ngamapholisa atshiya indlu yakhe ingani ingenwe yisavunguzane.
UMoyo uthi uhulumende usesithi sokumele ibandla le MDC lihlawule abagqekezelwayo.
Kodwa uTshuma uthi uhulumende nguye othi uzaphathisa abagekezelwayo.
Lanxa kungakaveli sobala ukuthi ilizwe lalahlekelwa yimalini ngodlakela olwabangelwa yikutshengisela ezinye ingcwethi zithi ingafika amadola angamabhiliyoni amabili.
Your browser doesn’t support HTML5
Udaba Silethulelwa Ngu Chris Gande