Ukukhetha usekhethe abacebisi abangamatshumi amabili lane okwenziwe ngu Mongameli Emmerson Mnangagwa sokudale inkulumo abanye besithi inani labacebisi laba linengi kakhulu.
Abacebisi laba babalisa osomabhizimusi abagoqela uNkosikazi Devine Ndlukula izikhwicamfuno ezigoqela uDr. Kuzvinetsa Nzvimbo kunye labezokholo ababalisa uDr. Kenneth Mtata okokhela umanyano wezokholo owe ZCC ophange wethula umbiko wokuthi kasoze asamukele isikhundla loMnu. Trvor Ncube usomabhizimusi olamaphephandaba afana lelicothoza uhulumende ele Zimbabwe Independent.
Embikweni awethule izolo, usibalukhulu wedale le Cabinet, uMnu. Misheck Sibanda uthe abacebisi laba bazaphathisa ekucandeni umhlahlandlela wentuthuko lokuchasisa inhlelo zikahulumende phansi kohlelo lukahulumende olokuthi ilizwe livuleke amasango kumbe Zimbabwe Is Open for Business ngesilungu.
Ukuhlaziya loludaba sixoxe lowalwa impi yenkululeko, uMnu. Max Mkandla endawonye lesiphathamandla sebandla le Zanu PF, uMnu. Believe Gaule onguye osungula lingxoxo.
Your browser doesn’t support HTML5
Udaba Silethulelwa Ngu Chris Gande