Ibandla leZapu lithakazelele ukufikisa iminyaka engamatshumi amahlanu lasikhombisa lisunguliwe ngoMvulo likhuthaza uhulumende ukuthi aphange asungule umbuso wezabelo (devolution).
Kubelilanga elihle mpela kumalunga alelibandla lapho alonde khona imbali yalo.
“Ilanga lalamuhla liqakatheke kakhulu kithi ngoba lisikhombisa ukuba lokhe sikhula sisiyaphambili njalo sizahlala silinanza kuze kubenini lanini,” kutsho unobhala jikelele weZapu, uMnu Strike Mnkandla.
UNkosikazi Emelia Nkala ozelwe ngeminyaka yabo1930 uthe ubuhlungu ngombuso okhona yikuthi lokhe bengakhululelanga.
“Mina ngalisebenzela lelilizwe kodwa ngibuhlungu ngoba nginje ngiyadubeka njalo lombuso esawulwelayo unxele kuthi lombuso wezabelo lawo awucaci njalo ngilezinyalo zokulwela leli lizwe,” kutsho uMaNkala.
Ibandla leZapu lasungulwa ngomnyaka ka1961 emizameni yokukhulula ilizwe embusweni wabamhlophe.
Your browser doesn’t support HTML5
Udaba Siluphiwa nguAnnahstacia Ndlovu