Amalunga ebandla le Zanu PF aseqalisile ukubuthana esikolo seMzingwane Esigodini phambilini komhlangano walelibandla owenziwa kanye ngomnyaka owe conference.
Inhlangothi zalelibandla ezitshiyeneyo sezibethe uMongameli Mnangagwa njengelunga elizamela ibandla kukhetho oluzayo.
Abachothoza umbuso weZanu PF bathi ukumemezela kwezabelo zalelibandla PF ukuthi Mnangagwa abe nguye ozancintisa emele lelibandla kukhetho luka2023 kuveza sobala ukuthi kulokulwisana phakathi kukaMnangagwa lomsekeli wakhe uMnu Constantino Chiwenga.
Bathi akulasizatho sokuthi abasekeli beZanu PF bekhulume ngokhetho luka2013 khathesi khona ilizwe lisanda phuma kolunye ukhetho ngaphandle kokuthi kube kulokulwisana kunkokheli yebandla.
Le yinto eyayivamile kakhulu ngesikhathi sikaMugabe esalwisana loMnangagwa kanye loNkosaikazi Joyce Mujuru. UNtungamili Nkomo we Studio Seven uxoxe lolwela amalungelo oluntu uMnu Charles Nyoni.
Your browser doesn’t support HTML5
Ingxoxo loMnu. Charles Nyoni