Izakhamizi zelokitshi leEntumbane zitshengisele zibambene lamalunga enhlanganiso yeWomen of Zimbabwe Arise (Woza) ngoMvulo zisola owesifazana, owaziwa ngokuthi nguMaHadebe, obikwa ethengisa izidakamizwa koBulawayo.
Abatshengiseleyo laba bahambe endlini yomsolwa belomlayezo wokuthi kumele aphume aphele kulelilokitshi phakathi kwamaviki amabili alandelayo.
Bathi uMaHadebe sebaphambanisele abantwana ngokuthengisa izidakamizwa ezifana lembanje lebronco kanti njalo ubesepheka ama-scorns ahlanganiswe lokudakayo awathengisele abantwana besikolo.
Izakhamizi zithi okuzidanisa kakhulu yikuthi uMaHadebe lo kabotshwa lanxa imisebenzi yakhe emibi isaziwa ngumuntu wonke, okugoqela wona amapholisa.
Asenelisanga ukukhulumisana lamapholisa kumbe uMaHadebe ngaloludaba.
Kodwa isiphathamandla seWoza uNkosazana Magodonga Mahlangu utshele iStudio 7 ukuthi bazalukhwezela loludaba umsolwa eze ebotshwe kumbe esuke esigabeni.
Your browser doesn’t support HTML5
Ingxoxo loNkosazana Magodonga Mahlangu