Izakhamizi zenyakatho yeMaNdebeleni zithi zikhangelele umbuso wezabelo olakho ukuqala lobanini kulandelwa ukugulwa kwesisekelo sombuso.
Lokhu kuphume emhlanganweni oqoqwe ngumsakazo we Studio Seven umanyene leMedia Centre eLupane Women Center.
Izakhamizi zenyakatho yeMaNdebeleni ezingene umhlangano obuhlafuna udaba lombuso wezabelo lentuthuko iTown Hall bachaze ukuba umbuso wezabelo kumele uqale phansi usiya phezulu hatshi lokhu abakubona sekusenzakala.
UNkosikazi Hildergard Mufukare, omunye obesembuthanweni lo uthe kuqakathekile ukuba lombuso wezabelo njalo abesifazane kumele baphatheke kiyo
“Umbuso wezabelo uqakathekile njalo siwukhangelele ukuba uzosethula ubunzima esibhekane labo njengabesifazana njalo kumele wonke umuntu aphatheke kungqali phezulu kodwa kuqale ebantwini,” kutsho uMufukare.
Isakhamuzi seLupane, uMnu Vumani Ndlovu, laye uvumelane loMufukare ethi bayilindele ukozobabangula ebuyaneni abalabo.
"Kuhle ukuba sekuthembisa ukuba uhlelo lombuso wezabelo sesizaqala ukuba silubone lusebenzanjalo sikhangelele ukuphatheka njengezakhamizi njalo luhlelo esikhangelele ukuba luzesibanula ubuyanga lobu esibhekane labo njengesigaba noba lesisekelo sombuso siyakuqinisa lokho," kutsho uNdlovu.
Osakhulayo uThembelihle Mhlanga ongene lumhlangano wapha imibono yakhe uthi umbuso wezabelo bacela ukuba uhlelo lolu lucace.
“Thina njengabasakhulayo sikhangelele ukuba uhlelo lombuso wezabelo kumele lucace njalo ukuba kungabi lomacatshelana njalo kuba ngumbuso onjani bafuna ibathuthukise njengesigaba esisemuva kwezentuthuko uma kuqathaniswa lezinye izigaba," kutsho uMhlanga.
UKkhansila weMatshiya Ward 15 uMnu. June Mpofu uthi umbuso wezabelo kumele ilethwe ngokweqiniso
“Umbuso wezabelo kumele uze esigabeni ngeqiniso njalo abantu bayakhonona ngoba inengi labantu abakule indawo ngabokuza bona kabaphatheki lakancane kuntuthuko lemisebenzi yesigaba," kutsho uMpofu.
UMnu. Conerlias Tshuma uthi umbuso wezabelo uzakuba nzima esiabeni sabo noba abafundi bafundiswa ngabantu bokuza
''Esigabeni sakithi sibona umbuso wezabelo uzakuba nzima ukuba uphumelele ngoba abafundi bethu bavele bafundiswa ngabantu bokuza okuzaphazamisa lowombuso,'' kutsho uTshuma.
UMnu Celani Ncube uthi bafuna umbuso wezabelo njengezolo kodwa abantu basafuthelene njalo bayesaba ngezolo yabo eyombhuqazwe wegukurahundi okumele iqale ilungiswe.
''Thina umbuso wezabelo siwulindele njalo kodwa abantu baphilanzima abalakuthula bayesaba ngoba umbhuqazwe wegukurahundi usthiye abantu belimele uhulumende kumele aqale akulunise lokho ethi eseletha umbuso wezabelo,''
Abantu abangene umhlangano bathi bawulindele umbuso wezabelo kodwa udubo olukhona yikuba abazi ukuba uyaqala nini, njalo ukhanya uzaqala phezulu khona kumele uqalele phansi ebantwini. IStudio Seven, esiyenze imihlangano efanayo kuzigabe ezitshiyeneyo zelizwe, izaqhubeka ngoLwesihlanu ngomunye njalo umhlangano ko Bulawayo.
Your browser doesn’t support HTML5
Udaba Silethulelwa nguAnnahstacia Ndlovu