Amakhemisi alokhu ethengisa imithi ngedola leMelika lanxa uhulumende esithi engaqhubeka esenza lokhu azathathelwa amalayisensi okusebenza.
Inhlanganiso emela amakhemisi la, iPharmacy Association of Zimbabwe (PAZ), ithi isibhalele ikhomidi yephalamende ekhangele lezempilakahle icela ukuvunyelwa ukumiswa phambi kwayo ukuze yethule izikhalazo zayo.
"I-gap ebakhona we fill the gap, that's our purpose to fill the gap nxa imithi iswelakale kuhulumende. Sisebenza lohulumende vele. Yikho sibhale incwadi yokuthi sivunyelwe ukuthi sibuye sikhulume ukuthi imithi ingatholakala njani," kutsho obemkhokheli wePAZ uMnu Sikhumbuzo Mpofu.
UMpofu uthe ukuvalwa kwamakhemisi kuzabangela ukusilela kwemithi yokwelapha kanye lamaphilisi.
"Ukufika eMusina kuyadula; khangela nxa uvela eHarare, kwabaseduze kungcono. Sifuna imithi itholakale kuhle. Kungahlukuluza abantu kakhulu ikakhulu nxa ifunakala khonapho khonapho," kutsho uMpofu.
Isakhamuzi sakoBulawayo uMnu Mbonisi Dube uthe ukuvalwa kwamakhemisi kungaba yinto embi kakhulu.
“Into esizaba yi-problem yikuthi abantu bazagula bafe ngoba imithi ingasekho esibhedlela, abama-harmacies bengasenelisi ukuthenga imithi. Nxa ungathenga nge-forex futhi imali yakhona iphansi."
Your browser doesn’t support HTML5
Udaba Siluphiwa nguBathabile Masuku