WASHINGTON DC —
KuWoza Friday liviki siloSheckman Mkhutshulwa ehamba leqembu lakhe leGwese Super Sounds bephethe idlalade labo elitsha elilesihloko esithi iSMS.
Leli lidlalade labo lesithupha njalo lilengoma eziyisikhombisa.
Leliqembu liqale ukuhlabela ngomnyaka ka2009 njalo lacidezela idlalade lalo lakuqala ngo2010. Kusukela lapho, alikaze libheke emuva.
Ingoma ezikuleli dlalade zigoqela ethi ‘Balandeli’, ‘Vulani’ lale ethi ‘Insindabaphenduli.’
Kulenye njalo ethi ‘Abenza Okuhle’ ehaya abantu abatshiyeneyo abenza imisebenzi ebukekayo emphakathini abagoqela insizwa yeJutjume ePlumtree, uDifa Dube.
Your browser doesn’t support HTML5
Udaba Siluphiwa nguNtungamili Nkomo