Iziphathamandla zeCrisis in Zimbabwe Coalition kuliviki zicele umanyano weSadc ukuthi ungenele kudaba lweZimbabwe kulungisiswe ezombusazwe lezomnotho welizwe oqhubeka utshabalala.
Zithi iSadc kumele ilethe ndawonye uMongameli Emmerson Mnangagwa lomkhokheli weMDC uMnu Nelson Chamisa bakhulumisane kuqedwe ubunzima uzulu abhekane labo obugoqela ukudula kwempahla ezitolo.
Ngomnyaka ka2008 iSadc yangenela eZimbabwe kulandela udlakela olwaqhamuka kulungiselela umphehlo wokhetho olwaluqondiswe kubasekeli beMDC libandla leZanu PF.
Isiphetho kwaba yikubunjwa kukahulumende womanyano phakathi kukaMnu Robert Mugabe loMnu Morgan Tsvangirai, owayengumkhokheli weMDC-T, osowatshonayo.
Kambe iSadc ingavuma yini ukwenza eyakwenza ngo2008 njengokufisa kwabeCrisis in Ziimbabwe Coalition? Asizweni imbono yabaleli beStudio 7 bexoxa loGibbs Dube.
Your browser doesn’t support HTML5
Ingxoxo Labalaleli beStudio 7