UMongameli Emmerson Mnangagwa uzahlangana labosomabhizimusi kanye labamabhanga namuhla bekhulumisana ngokusilela kwempahla ezitshiyeneyo ezitolo lokutshabalala komnotho.
Isikhulumeli sakhe uMnu George Charamba uthi uMnangagwa ufuna njalo ukuzwa imbono yabamabhizimusi laba ngenhlelo zikahulumende eziphathelane lokuthuthukisa umnotho.
Umhlangano lo uza ngesikhathi uzulu ethwele nzima ngokuqonga mahlayana kwentengo yezinto ezimqoka empilweni yakhe ezifana lokudla kanye lokusilela kwamafutha ezimota lawokupheka.
Olunye udaba olukhangelelwe ukuhlafunwa emhlanganweni lo ngolwamankampani apheka isinkwa wona afuna ukukhweza intengo yesinkwa isuka ku$1.10 isiya ku$2.20.
Amankampani la ebehlose ukukhweza intengo ngoMgqibelo kodwa asuke avinjwa nguhulumende.
Sixoxe lonobhala jikelele wenhlanganiso yezisebenzi iZCTU uMnu Japhet Moyo yena othi izisebenzi lazo bekumele zinxuswe emhlanganweni lo.
Your browser doesn’t support HTML5
Ingxoxo loMnu Japhet Moyo