Idale lecabinet lihlangane izolo ntambama eHarare, lapho elicubungule khona okuhluphayo elizweni, okugoqela ukukhuphuka kwentengo yempahla, kanye lokuswelakala kwezinye zalezimpahla.
Lokhu kwenzakala umphathintambo obona ngezemali uMnu. Mthuli Ncube esanda ukubhoda-bhoda emavinkilini ehlolisisa intengo yempahla, lapho azibonele ngawakhe ukuthi inengi lazo zithengiswa ngedola leMelika, elingafinyelelwa ngabanengi.
Inengi lithi kusobala ukuthi imizamo kahulumende eyokulungisa umnotho welizwe iyehlula.
USithandekile Mhlanga weStudio 7 uxoxe lokhansila kaward one koBulawayo uMnu. Mlandu Ncube ngaloludaba.
Your browser doesn’t support HTML5
Ingxoxo loMnu. Mlandu Ncube
“Akusizi ukubhodabhoda vele ngento ayaziyo ukubana umkhonomi awumanga kahle and inking uyazi ukuthi kumele kwenzakaleni,” kutsho uNcube.
Uthi kumele baphume lezingqumo ezizavuselela umnotho welizwe hatshi ukutshona bebhodabhoda ngezitolo kungani bayenza ibhayiskopo.
Uthi ukubhodabhoda ngezitolo kutshengisa ukuthi sebephelelwe ngokokwenza.
USithandekile Mhlanga weStudio 7 uphinde waxoxa loMnu. Joseph Tshuma, ilunga lebandla leZANU PF ngaloludaba.
UTshuma uthi: “Bakhona abanye abantu abenza ukukhweza intengo okokuhlanya. Ubone ukuthi umuntu wenza okokubhanxa. Akala sizatho sokuthi ukhwezeleni.”
Your browser doesn’t support HTML5
Ingxoxo loMnu. Joseph Tshuma