Ezinye izakhamizi zase Bhalagwe esigabeni se Matabeleland South zibikwa zizonde ziganunwaba ngokwakhiwa kophawu lokutshengisa ukulila lokuhlonipha abafi, itombstone ngesilungu, emangcwabanei abantu abafa ngesikhathi sombhuqazwe we Gukurahundi.
Uhulumende ubikwa ebhade ngesamende lapho okwakulotshwe ukuthi lapha kulele abantu abangcwatshwa ngobunengi, ama mass grave ngesilungu.
Lokhu kuvele ngeviki edluleyo ngemva kohambo olwenziwe yinkokheli yebandla leMthwakazi Republic Party kulindawo ngeviki edluleyo.
Sixoxe lomkhokheli webandla leli, uMnu. Mqondisi Moyo ukuze sizwe okunengi ngaloludaba.
Gukurahundi Graves
Your browser doesn’t support HTML5
Ingxoxo loMnu. Mqondisi Moyo
Kunjalo nje, abantu abanengi abalahlekelwa yizihlobo kumbuqazwe weGukurahundi bathi bafuna uhulumende abahlawule njalo axolise.
Lokhu yikho okufunyanwe yintathelizindaba elodumo uMnu Zenzele Ndebele ngesikhathi epheka udaba lukamabonakude, idocumentary ngesilungu, emayelana ngalimbhuqazwe.
Idocumetary le izakwethulelwa umphakathi ngeviki ezayo eHarare mhlaka 29.
Kodwa amapholisa akhanya ezama ukuphazanisa uhlelo lolu ngemva kokunqolonga uNdebele izolo esithi afuna ukuyibukela kuqala lifilimu engakayethuli.
UNdebele ukwalile lokhu.
Asizweni echasisela uNtungamili Nkomo weStudio 7 okunengi okumunyethwe yidocumetary yakhe.
Your browser doesn’t support HTML5
Ingxoxo loMnu. Zenzele Ndebele