Namhla kuhlelo lwethu lapho esixoxa ngendlela eyavotwa ngayo yizakhamizi zeMatabeleland lako Bulawayo lokuthi kanti vele kungani izakhamizi zavota ngendlela ezivota ngayo?
Abantu ababhalisa ukuvota esigabeni sako Bulawayo bayedlula kancane inkulungwane ezingamakhulu amabili, 243 146 kuthi eHarare kwabhalisa abantu abafika phose isigidi esisodwa, 849 128.
Isiphathandla somanyano we MDC Alliance, osekulibandla elithiwa MDC, uMnu. Albert Mhlanga.
Ibandla leZanu PF lathola phose izikhundla zamalunga edale lephalamende wonke awesigaba seMatabeleland South ezilishumi lantathu ngaphandle kwesisodwa.
Siqale sambuza ukuthi kanti kungaba yini okwabangela ukuthi ibandla leZanu PF lingqobe kangaka esigabeni seMatabeleland South lapho lelibandla elangqoba khona kuzigaba phose zonke ezilitshumi lantathu ngaphandle kwesisodwa nje kuphela esathatha yiMDC Alliance.
"Ungakhangela isigaba seMatabeleland South yindawo okugcinwa khona inkomo, so iZanu PF yabona ukuthi kulesidingeko senkomo banika abantu inkomo nga four four abanye two two ngawonalawo amalanga okuvota," kutsho uMhlanga.
Uthi ekuvoteni babelokhu bekhumbuza abantu ukuthi abantu ababavotelayo ngabantwana be Zapu bengabatsheli ngeZanu PF.
UMhlanga uthi banengi njalo abantu, ikakhulu abasakhulayo abasuka elizweni besiyadinga imisebenzi kwele South Africa.
Uthi kuyadanisa ukuthi abantu laba ngabafelwa ngesikhathi seGukurahundi kowa bayavotela ibandla le Zanu PF.
"Ko Bulawayo ngikhangela iminyaka engafika kobo 15 kumbe 20 years ngoba akulamsebenzi," kutsho uMhlanga.
Your browser doesn’t support HTML5
Ingxoxo loMnu. Albert Mhlanga