IKhansili yedolobho lakoBulawayo Nolwesihlanu kuyonale iviki ikhanelele ukufunisa amakhansila akhethwa kukhetho lwalonyaka oludlule kodwa izakhamizi zona seziveze ukukhathazeka ngesikhundla sikaMayor wedolobho leli bethi imibiko ephumayo iyabakhuba abafuni bantu bokuza ukuthi bazokhokhela laloba bangena ngenkani kukhetho banqoba.
Ikhansili isiqalile imihlangano lamakhomishina okulungiselela ukufungiswa kwamakhansila anqoba kukhetho olwedlule NgoLwesihlanu lobanje abantu bakoBulawayo baveze ukukhathazeka kwabo ngokuthi leli dolobho likhokhelwe ngubani bethi yebo abokuza bangena ngenkani kukhetho ngoba ibandla likhokhelwa ngabantu bokuza kodwa akutsho ukuba lekhansili isingakhokhelwa yibo.
Isikhulumeli sekhansili yalelidolobho uNkosikazi Nesisa Mpofu uchaza ukuthi sebeqalile imihlangano yokufungisa amakhansila NgoLwesihlanu kodwa wachaza ukuthi ngubani okhetha uMayor uma kulandelwla isisekelo sombuso.
“UMthetho oncedisa ukukhetha uMayor nguSec 103 Urban Councils Act Chap 29:15, lo Sec 277 2:20 2013 uyachaza ukuthi amakhansila ayakhetha kumhlangano wabo wakuqala bayakhetha uMayor lomsekeli wakhe njalo amakhansila yiwowodwa avotawo,” kutsho uMpofu.
Ethi zikhona iziphathamandla zekhansili ezithile ezingena lumhlangano kodwa azivoti, kuvota amakhansila kuphela.
“UMabhalane wekhansili legqwetha lekhansili bayangena lumhlangano kodwa abalalungelo lokuvota okwabo yikubonisa lokuqondisa okumele kwenziwe emthethweni ngalelolanga,” kutsho uMpofu.
TEXT:Isakhamuzi sakoBulawayo, uMnu. Cetshwayo Sithole uveze ukuphatheka ngokufungiswa kwamakhansila ethi bazakuma kodwa bemi ngayiphi indlela.
“Abagcotshwa ngakho bayakuma ngaliphi, sikhathazekile nokususwa kwethu embusweni ngoba kufakwa abantu abangaveli lapha njalo isikhundla sikaMayor siletha ubuhlungu noba ozakuma uzakuma ngaliphi ibandla elinqobileyo likhumbule ukuthi uMayor nguye oqhuba idevelopment njalo lesisikhundla kumele sitholwe ngumuntu wakule indawo hatshi lokhu esikuzwayo sibuhlunu ngabantu abangasibakoBulawayo abafuna ukusikhokhelela uBulawayo,” kutsho uSithole.
Evumelana loSithole, isakhamuzi sakoBulawayo, uMnu. Mac Claude Tshawe uthi okwenzakala ekhansilini kubi.
“Okwenzakale koBulawayo lonyaka ngitsho leZANU ayikaze ikwenze ukuthi abantu abangasuki koBulawayo, amaloja angene ukuba ngokhansila kubi iMDC Alliance yenze iphosa,” kutsho uTshawe.
Umanyano wamabandla akuMDC Alliance athethe zonke izihlalo zekhansili koBulawayo ezingamatshumi amabili lasifica munwe munye njalo balesandla esikhulu sokukhetha uMayor. Imibiko esithe yafika kuzulu ikhomba ukuba kulabanqobayo abangasuki koBulawayo abathi bafuna leso sikhundla okusolwa nguzulu kanye lamanye amalunga amabandla eMDC Alliance angamakhansila ale ukuba amagama abo alotshwe ngoba kungadala umsindo omkhulu koBulawayo.
Abanye bamakhansila kubikwa belamacala kuthi abanye bavele abahlali koBulawayo.
Ukhansila owanqoba kuWard 3, okhankasela ukuba ngumsekeli kaMayor uTinashe Kambarima ubhekane lecala elisedale lesikwelede senkampani kaloliwe iNRZ esedlula iUS$40 000, osekutshiye uzulu elokukhonona okukhulu
Your browser doesn’t support HTML5
Udaba Silethulelwa nguAnnahstacia Ndlovu