Isigaba se Nkayi besilokhu simelwa libandla lemdc lokhu kwasungulwa lelibandla. Kodwa lo umnyaka kube ngokwakuqala ukuthi ibandla leZanu PF linqobe kulesi sigaba.
Onqobileyo nguNkosazana Stars Mathe thebe.
Sixoxe laye ukuze sizwe ukuthi uzazifeza na izithembiso azithembisa abavoti njelo lokuthi kanti kuyini okwenze abavoti balumango bamvotela?
UMathe – Thebe uthi yena kazange athembise uzulu izithembiso ezingafezekiyo ezifana lokulungisela abantu amabholoho lalaph okuyabe kungelamfula.
“Izinto engazithembisa uzulu angiboni angani ngizazenza, vele ngizazenza njengokutsho kwami. Kanti kenje umuntu sowake wathembisa ulutho angasoze alwenelise na?” kutsho uMathe Thebe.
Uthi abantu beNkayi abafuni okumangalisayo kodwa bafuna ukumelwa.
Uthi okunye yikuthi abantu bafuna ukuzwa okuyabe kusenzakala njalo esithi abantu bebe silela ukukhokhelwa.
“Ngabathembisa ukuthi ngizahlala labo nizwe ukuthi bathini lapho okumele ngidinge uncedo ngidinge njalo bawuzwe umehluko wokuthi ukukhokhlewa ngumuntu elihlala limbona kumnandi njani,” kutsho uMahe – Thebe.