UMongameli Emmerson Mnangagwa uthi sokuyisikhathi sokuthi uzulu weZimbabwe abambane njengoba ukhetho solwedlule njalo uthi uMnu Nelson Chamisa ulendima angayidlala ekuthuthukiseni ilizwe.
UMnangagwa wethule amazwi la ngemva kokubana uChamisa etshele intathelizindaba emhlanganweni awenzele eHarare ukuthi nguye onqobileyo.
Ngokunjalo, uChamisa uthe akayamukeli impumela yokunqoba kukaMnangagwa.
Ngokutsho kweZimbabwe Electoral Commission (ZEC) uMnangagwa unqobe nge50.8% kwathi uChamisa wathola 44% kuphela.
Kodwa uChamisa uthi nguye onqobileyo ngemva kokuthola i56%. UMongameli Mnangagwa uthole 44.3%, kutsho uMnu Chamisa.
UMnangagwa uyakulandula lokhu. Uthi uChamisa labanye abanqotshiweyo kumele bamukele impumela yokhetho bavume ukuthi banqotshiwe.
Umbuzo osemilonyeni yabanengi ngothi kambe uMnangagwa ulakho ukuzama ukubumba uhulumende loChamisa yini njengoba ekhuluma ngokusebenzelana kwabantu beZimbabwe.
Your browser doesn’t support HTML5
Amazwi kaMongameli Emmerson Mnangagwa
Ingxwethi kwezombusazwe uMnu Rejoice Ngwenya uthi kakuboni kusenzeka lokhu.
Your browser doesn’t support HTML5
Ingxoxo loMnu Rejoice Ngwenya