Umkhokheli weMDC Alliance uMnu Nelson Chamisa uthi uzulu kumele amvotele ngobunengi ngeviki ezayo ngoba nguye yedwa olezihluthulelo zentuthuko.
UChamisa wethule amazwi la emhlanganweni wakhe wokukhankasela ukhetho awenzele eGweru ngeSonto lapho abuthanise khona inkulungwane lenkulungwane zabantu.
Abasekeli bomanyano weMDC Alliance besemhlanganweni kaMnu Nelson Chamisa eGweru
UChamisa wengeze wathi indubo zonke eziselizweni ezifana lokusilela kwemisebenzi kanye lemali zibangelwa yikwehluleka ukubusa kuhle kukaMongameli Emmerson Mnangagwa.
Ngokunjalo, uChamisa ukhuthaze uzulu ukuthi akhiphe uhulumende weZanu PF, yena athi ngowamasela, afake oweMDC Alliance ukuze kube lentuthuko eZimbabwe.
Ukhetho luzakwenziwa ngoMvulo ngeviki ezayo.
Your browser doesn’t support HTML5
Amazwi kaMnu Nelson Chamisa