Umthethwandaba weNomination Court uzahlala endaweni ezitshiyeneyo zelizwe namuhla ubhalisa abazancintisa kukhetho.
Lokhu kwenzakala kulokufuthelana okukhulu kumanyano weMDC Alliance amanye amalunga ekhonona ngokuhluthunelwa izihlalo yiMDC-T ekhokhelwa nguMnu Nelson Chamisa.
Amabandla akhononayo agoqela elePeople’s Democratic Party, eleTransform Zimbabwe leleMDC elikhokhelwa nguMnu Welshman Ncube lona elithathelwe izihlalo ezilitshumi lantathu.
Lanca singenelisanga ukukhulumisana leziphathamandla zeMDC-T kaChamisa, uNcube ukufakazile ukuthi kulokudonselana ngoba iMDC-T kaChamisa ingasalandeli isivumelwano abasilobelanayo ekubunjweni kweMDC Alliance.
Kogwa uMnu Ncube uthe lanxa kunjalo bazaqhubeka belilunga lomanyano lo ngoba okuqakathekileyo kibo ukwedlula okunye konke yikuthi iZanu PF ikhutshwe embusweni.
Your browser doesn’t support HTML5
Ingxoxo loMnu Welshman Ncube