Inani labantu abahlaselwa ngumkhuhlane wofuba (Tuberculosis) owehlula imithi lamaphilisi ajwayelekileyo liyaqansa koBulawayo.
Lokhu kubikwa kubangelwa yikuthi abantu abanengi kabaphutshi uhlelo lwabo lokunatha amaphilisi belandela izixwayiso zabodokotela.
I-TB ibhahile njalo eMatabeleland ngenxa yokuthi inengi labantu kulezi zabelo lisebenzela kweleSouthAfrica lapho umkhuhlane lo ohlasele khona kakhulu.
Obona ngezempilakahle edolobheni lakoBulawayo Udokotela Edwin Sibanda uchasisa kabanzi ngomkhuhlane lo.
“Ngomnyaka ngomyaka besithola abantu abafika ikhulu kodwa ngomnyaka odluleyo sibone abantu abangaba ngamatshumi ayisithupha kuphela,” kutsho udokoteka Edwin Sibanda.
“Umkhuhlane lo welatshwa okweminyaka embili. Kusiya phambili kuyabe sekulamaphilisi amatsha okuthiwa yishort course ayabe enathwa okwenyanga eziyisificaminwemibili kusiya kumnyaka ogcweleyo.”
Isakhamuzi sakoBulawayo uMnu Abel Ncube, yena ogcine umfowabo oleTB uthi akulula ukunakekela umuntu olomkhuhlane lo.
“Akulula ukugcina umuntu oleDRT ngoba nsukuzonke kumele sivuke sisiya esibhedlela ngakho ke kuqakathekile ukuthi sitshone simusa esibhedlela ngoba engalahlekelwa yimpilo,” kutsho uMnu Ncube.
Abasebenza lezigulane emakilinika kanye lasezibhedlela abagoqela abongi bayahlolwa umkhuhlane weTB kabili ngomnyaka ngoba besengozini enkulu yokuhlaselwa ngumkhuhlane lo.
Your browser doesn’t support HTML5
Udaba Siluphiwa nguBathabile Masuku