Umkhokheli webandla leNational People’s Party, uNkosikazi Joice Mujuru ngoMgqibelo usungule umkhankaso wakhe wokudinga usekelo kwabasakhulayo olesihloko esithi #JoiceismyChoice.
Umkhankaso lo uwusungulele epulazini lakhe eliseBorrowdale, eHarare.
Ekhuluma emkhosini lo, uNkosikazi Mujuru ukhuthaze ontanga bebandla lakhe ukuthi bakhankasele ukhetho ngokuthula hatshi ukuphatheka kudlakela.
Ungcome kakhulu umkhankaso wakhe we#JoiceismyChoice lo esithi uzafinyelela abantu abanengi njengoba usebenzisa indlela zakulezinsuku zokuhambisa imbiko.
Abasakhulayo abaphatheke emkhosini lo bathembise ukuthi bazakhankasa ngamandla ukuze uMUjuru anqobe kukhetho oluzayo abe nguMongameli welizwe.
Omunye wabo yisikhulumeli sogatsha lwabasakhulayo kulelibandla eMatebaland South, uMnu Lawrence Ndlovu.
“Thina uNkosikazi Mujuru siyamthakazelela, ikakhulu emhlubulweni wethu weMatabeleland South. Lokhu akwenzileyo kuhle kakhulu,” kutsho uMnu Ndlovu.
Umhlangano kaMujuru lo ungenwe ngabasakhulayo bebandla lakhe abavela eziqintini zonke zelizwe.
Amanye amabandla ezombusazwe lawo alemikhankaso efanayo; IZANU PF isebenzisa uphawu lokuthi #EDhasmyvote, iMDC-T yona ithi #ChamisaChetechete kumbe #Generational Consensus.
Your browser doesn’t support HTML5
Udaba Siluphiwa nguGibson Bhebhe